Main Menu
  |   Sunday, July 22, 2018
क्रिमसन अस्पतालमा क्याथल्याव सेवा सुरु
क्रिमसन अस्पतालमा क्याथल्याव सेवा सुरु

मणिग्राम । रुपन्देहीको तिलोत्तमा–५, मणिग्राम स्थित क्रिमसन अस्पतालमा क्याथल्याव सेवा सुरु भएको छ । मुटु रोगको उपचारलाई थप प्रभावकारी गराउन अस्पतालले क्याथल्याव सञ्चालनमा ल्याएको हो । अस्पतालले सुरु गरेको क्याथल्यावमा पहिलो पटक रुद्रपुरका बुद्धिराम थारुको एन्जियोग्राम गरिएको वरिष्ठ मुटुरोग विशेषज्ञ डा. लक्ष्मण दुवेले जानकारी दिए ।

मुटुको उपचारपछि थारु बिहीबार अस्पतालबाट डिष्चार्ज भएका छन् । झण्डै ८ करोडको लगानीमा क्याथल्याव सेवा सुरु गरिएको अस्पतालका निर्देशक डा. शेखर प्रसाद पोखरेलले जानकारी दिए । उनका अनुसार क्याथल्यावमा अनुभवी जनशक्तिको व्यवस्थापन गरिएको छ । क्याथल्याव सञ्चालनसँगै यस क्षेत्रका बिरामीहरु मुटुको एन्जियोग्राम, एन्जियोप्लाष्टी, पेसमेकर सेवाका लागि अन्यत्र जानुपर्ने बाध्यता हटेको छ । ‘क्याथल्याव सञ्चालनसँगै मुटुको सम्पूर्ण परीक्षण अब क्रिमसन अस्पतालमैं हुन्छ ।’ मुटु रोगको उपचारमा एक दशकको अनुभव संगालेका डा. दुवेले भने, ‘हृदयघात र छातीको दुखाईका बिरामीले अब छिटो उपचार सेवा पाउनेछन् ।

हृदयघातका बिरामीहरुलाई तत्काल एन्जियोग्राम र एन्जियोप्लाष्टी गर्नुपर्ने भएकोले मुटु रोगको उपचारमा क्याथल्यावलाई महत्वपूर्ण मानिन्छ । क्याथल्यावको सेवा शुल्क अरु अस्पतालकैं सरह हुने अस्पताल प्रशासनले जनाएको छ । क्रिमसन अस्पतालले हाल एक सय रुपैंयाँमा ओपिडी सेवा उपलब्ध गराउँदै आएको छ भने नेपाल सरकारले दिएको मृगौलाको निःशुल्क डायलासिस सेवा पनि उपलब्ध गराउँदै आएको छ । स्वास्थ्य सेवा शहर केन्द्रीत भैरहेको बेला स्थानीय समुदायलाई लक्षित गरेर अस्पतालमा क्याथल्याव सञ्चालन गरिएको वरिष्ठ मुटु रोग विशेषज्ञ डा. दुवेले बताए ।

प्रतिकृया दिनुहोस

पछिल्ला समाचार

Happy Cheese Balls

लोकप्रिय

  • के छ ‘नथिया’ मा ? यसो भन्छिन  सरस्वती प्रतिक्षा
    लुम्बिनी टाइम्स / आईतवार, ४ चैत ।

    वादी समुदायको कथामा लेखिएको उपन्यास हो ‘नथिया’ । कवितामा दरिलो छाप छोडन् सफल साहित्यकार सरस्वती प्रतिक्षाले यो उपन्यास लेखेकि हुन् । २०३५ साल देखी २०४७ साल सम्मको वादी समुदायको कथा उपन्यसमा समेटिएको प्रतिक्षाले बताईन । यो उपन्यासको लागि उनि दाङ, कैलाली लगाएतका जिल्लाहरुमा रहेका वादी समुदायमा पुगेर अनुसन्धान गरेकि थिईन । गत माघ महिनमा सार्वजनिक भएकोे ‘नथिया’ ले राम्रै बजार पाएको छ भने यो कृतिलाई लिएर चलचित्र निमार्ण गर्ने निर्देशक दिपेन्द्र के खनालले घोषण गरेका छन् । पाठक मञ्चले आयोजना गरेको ‘नथिया’ पुस्तक विमर्श कार्यक्रमको लागि सरस्वति प्रतिक्षा बुटवल आएको बेला गरिएको कुराकानी :

  • पाँच नम्बरमा तीन वटा मेघासिटी : पोखरेल
    लुम्बिनी टाइम्स / २९ पुस ।

    प्रदेशको राजधानी आफ्नो ठाउँमै हुनुपर्ने मागसहित कतिपय स्थानमा आन्दोलन चलेका छन् भने केही नेताहरू पनि त्यसमा सामेल देखिएका छन् । प्रस्तुत छ, यही मौकामा यी र यस्ता विषयलाई केन्द्रमा राखेर एमाले नेता तथा प्रदेश नम्बर पाँचका मुख्यमन्त्रीमा प्रस्तावित शंकर पोखरेलसँग दाङको घोराहीमा भेटेर  सी. पी. खनालले गरेको कुराकानी ।