Main Menu
  |   Monday, August 20, 2018
लुम्बिनीको काखमा साईकल यात्री
लुम्बिनीको काखमा साईकल यात्री

भैरहवा । महिला सशक्तिकरण एवं पर्यावरण संरक्षणप्रति जागरुकता प्रदान गर्न भन्दै नेपालको काठमाडौंबाट साईकल यात्रामा हिंडेको टोली भारतका विभिन्न धार्मिक स्थलहरुको भ्रमण गरी शनिबार बुद्ध जन्मस्थल लुम्बिनी आइपुगेको छ । मानव जीवनलाई प्रदुषणमुक्त बनाएर मानव जीवनको कल्याणको लागि सन्देश प्रवाह गर्न भन्दै बौद्ध भिक्षुणीको २५० जनाको टोली मंसिर २ गते काठमाडौंबाट साईकल यात्रामा निस्केको थियो । टोली भारतका विभिन्न धार्मिक स्थलहरुको भ्रमण गरी शनिबार लुम्बिनी आइपुगेको हो ।

१० वटा समूह बनाएर यात्रामा निस्किएको बौद्ध भिक्षुणीको टोली भगवान बुद्धको महापरिनिर्वाण स्थल भारतको कुशीनगरसम्म पुगेको थियो । त्यसक्रममा टोलीले भारतको बिहार र उत्तरप्रदेश राज्यका गोरखपुर, गया, पटना, राजगीर वाराणसी, इलाहावाद, कानपुर र आग्रा हुँदै ९ जनवरीमा दिल्ली पुगेर टुंगिएको हो ।

भारतका धार्मिक स्थलहरुको अवलोकन भ्रमण गरी लुम्बिनी आइपुगेको टोलीलाई लुम्बिनी विकास कोषका पदाधिकारी र कर्मचारीले स्वागत गरेका थिए । पर्यावरणविद एवं संयुक्त राष्ट्रसंघका एमडीजी पुरस्कार बिजेता ग्यालवांग द्रुपका अनुसार काठमाडौंबाट ५० दिनअघि सुरु भएको यात्राले २२ सय किलोमिटरको दुरी तय गरेको थियो । द्रुपको नेतृत्वमा लिभ टु लभद्वारा साईकल यात्राको आयोजना गरिएको हो ।

महिला स्वतन्त्रता एवं समान अधिकार तथा पर्यावरण संरक्षणका लागि सन्देश प्रवाह गर्न यात्रा सफल भएको उनले बताए । नेपाल र भारतबीच सदियौं पुरानो ऐतिहासिक, सांस्कृतिक एवं धार्मिक सम्बन्ध रहेकाले यो सम्बन्ध जोगाएर महिला अधिकार र पर्यावरण संरक्षणमा दुवै मुलुकको उत्तिकै दायित्व र कर्तव्य रहेकाले नेपालको काठमाडौंबाट भारतका विभिन्न धार्मिक स्थल हुँदै बुद्ध जन्मस्थल नेपालको लुम्बिनीसम्म सन्देश सहितको साईकल यात्रा गरिएको टोलीका एकजना भिक्षुणी तेन्जीले बताए ।

वातावरण दिनप्रतिदिन प्रदुषण बन्दै गैरहेकोले यसलाई जोगाउन तथा विश्वशान्तिको सन्देश दिन भ्रमण सफल रहेको पनि टोलीमा सहभागीहरुले बताएका छन् । टोलीले बुद्धको महापरिनिर्वाण स्थल भारतको कुशीनगरका साथै राजगगिरी, नालन्दा, बोधगया, सारनाथ लगायतका धार्मिक स्थलहरुमा पुगेर दर्शन गर्नुका साथै पुजाआजा समेत गरेको टोलीका सदस्य जिग्मु यूड्रोनले बताए । इन्धनबाहक गाडीबाट पर्यावरण प्रदुषित रहने भन्दै जनतामा सन्देश दिन साईकलबाट यात्रा गरिएको पनि उनले बताए । टोलीमा विभिन्न ७ वटा देशका बौद्ध भिक्षुणीहरु सहभागी थिए ।
cycle

प्रतिकृया दिनुहोस

पछिल्ला समाचार

Happy Cheese Balls

लोकप्रिय

  • के छ ‘नथिया’ मा ? यसो भन्छिन  सरस्वती प्रतिक्षा
    लुम्बिनी टाइम्स / आईतवार, ४ चैत ।

    वादी समुदायको कथामा लेखिएको उपन्यास हो ‘नथिया’ । कवितामा दरिलो छाप छोडन् सफल साहित्यकार सरस्वती प्रतिक्षाले यो उपन्यास लेखेकि हुन् । २०३५ साल देखी २०४७ साल सम्मको वादी समुदायको कथा उपन्यसमा समेटिएको प्रतिक्षाले बताईन । यो उपन्यासको लागि उनि दाङ, कैलाली लगाएतका जिल्लाहरुमा रहेका वादी समुदायमा पुगेर अनुसन्धान गरेकि थिईन । गत माघ महिनमा सार्वजनिक भएकोे ‘नथिया’ ले राम्रै बजार पाएको छ भने यो कृतिलाई लिएर चलचित्र निमार्ण गर्ने निर्देशक दिपेन्द्र के खनालले घोषण गरेका छन् । पाठक मञ्चले आयोजना गरेको ‘नथिया’ पुस्तक विमर्श कार्यक्रमको लागि सरस्वति प्रतिक्षा बुटवल आएको बेला गरिएको कुराकानी :

  • पाँच नम्बरमा तीन वटा मेघासिटी : पोखरेल
    लुम्बिनी टाइम्स / २९ पुस ।

    प्रदेशको राजधानी आफ्नो ठाउँमै हुनुपर्ने मागसहित कतिपय स्थानमा आन्दोलन चलेका छन् भने केही नेताहरू पनि त्यसमा सामेल देखिएका छन् । प्रस्तुत छ, यही मौकामा यी र यस्ता विषयलाई केन्द्रमा राखेर एमाले नेता तथा प्रदेश नम्बर पाँचका मुख्यमन्त्रीमा प्रस्तावित शंकर पोखरेलसँग दाङको घोराहीमा भेटेर  सी. पी. खनालले गरेको कुराकानी ।