Main Menu
  |   Tuesday, April 24, 2018
कुन मन्त्रालयमा कसको दाबी ?
कुन मन्त्रालयमा कसको दाबी ?

काठमाडौ । प्रधानमन्त्री शेरबहादुर देउवाले आइतबार (१ साउनमा) मन्त्रिमण्डल विस्तार गर्ने तयारी गरेका छन्। शनिबारसम्म मन्त्रीको टुंगो लगाउने र आइतबार विस्तार गर्ने सहमति सत्तासाझेदार कांग्रेस र माओवादी केन्द्रबीच भएको छ।

‘माओवादी अध्यक्ष शुक्रबार नेपाल फर्केपछि शनिबार दुई दलबीच मन्त्रालय बाँडफाँड टुंग्याएर आइतबार मन्त्रिपरिषद् विस्तार गर्ने तयारीमा प्रधानमन्त्री हुनुहुन्छ,’ प्रधानमन्त्रीका स्वकीय सचिव भानु देउवाले नयाँ पत्रिकासँग भने। पत्नी सीताको उपचारका लागि प्रचण्ड बुधबार थाइल्यान्ड गएका छन्। उनी फर्केपछि माओवादीले मन्त्रीहरूको टुंगो लगाउनेछ।

प्रधानमन्त्री देउवाले २४ जेठमा पद तथा गोपनीयताको शपथ लिएपछि कांग्रेस र माओवादीबाट ३–३ र लोकतान्त्रिक फोरमबाट एक गरी सातजनालाई मन्त्री बनाएका थिए। दोस्रो चरणको मन्त्रिपरिषद् विस्तार संविधान संशोधनपछि गर्ने उनको तयारी थियो। तर, प्रमुख प्रतिपक्षी एमाले र राप्रपा सहमत नहुँदा संशोधनका लागि दुईतिहाइ नपुग्ने भएपछि देउवा मन्त्रिपरिषद् विस्तारको तयारीमा लागेका हुन्।

कांग्रेस र माओवादीबीच मन्त्रालयको भागबन्डा अझै मिलेको छैन। दुई पार्टीबीच कुन मन्त्रालय कसले राख्ने र कुन दलले कति मन्त्रालय पाउने भन्ने टुंगो लागेको छैन। स्रोतका अनुसार प्रधानमन्त्री देउवा कांग्रेसलाई ११ र माओवादीलाई ८ मन्त्रालय हुने गरी बाँडफाँड गर्ने र बाँकी मन्त्रालय अन्य दललाई दिने मनस्थितिमा छन्। माओवादीले भने १० मन्त्रालय मागेको छ। ‘हाम्रो दाबी १० मन्त्रालय हो,’ माओवादी प्रवक्ता पम्फा भुसालले भनिन्, ‘राप्रपा, संघीय समाजवादी पनि सरकारमा सहभागी हुने स्थितिमा भने पार्टीको दाबी घट्न सक्छ।’ कांग्रेसबाट विमलेन्द्र निधि र रमेश लेखक तथा माओवादी केन्द्रबाट कृष्णबहादुर महरा र वर्षमान पुन सदस्य रहेको मन्त्रालय बाँडफाँड कार्यदलमा सहमति हुन सकेन। ‘माओवादीले माग गरेको मन्त्रालयको संख्या र मन्त्रालय कुन–कुन दिने भन्नेमा कुरा मिल्न सकिरहेको छैन,’ कांग्रेसबाट कार्यदलका एक सदस्यले भने, ‘प्रधानमन्त्री र माओवादी केन्द्रका अध्यक्षले शनिबार छलफल गरेर टुंग्याउने अपेक्षा छ।’

कुन मन्त्रालयमा कसको दाबी ?

पहिलो चरणमा कांग्रेसले अर्थ, शिक्षा र श्रम तथा रोजगार तथा माओवादी केन्द्रले गृह, परराष्ट्र र सहरी विकास मन्त्रालयको जिम्मेवारी सम्हालिसकेका छन्। माओवादीले सामान्य प्रशासन, आपूर्ति, स्वास्थ्य, कृषि विकास, भौतिक पूर्वाधार तथा यातायात र वन तथा भू–संरक्षण मन्त्रालय दाबी गरिरहेको छ। कांग्रेसले भौतिक पूर्वाधार तथा यातायात र वन तथा भू–संरक्षण मन्त्रालय आफैँ राख्न चाहेको छ। कांग्रेसमा रामचन्द्र पौडेल पक्षले भौतिक पूर्वाधार तथा यातायात मन्त्रालय दाबी गरेको छ भने अर्का नेता खुमबहादुर खड्काले वन मन्त्रालय दाबी गरेका छन्।

कांग्रेसमा व्यक्तिबारे छलफल नै भएन

कांग्रेसबाट क–कसलाई मन्त्री बनाउने भन्ने विषयमा छलफल नै भएको छैन। पहिला कुन–कुन मन्त्रालय पार्टीले पाउने भन्ने तय भएपछि मात्रै व्यक्तिको विषयमा छलफल गर्ने तयारी देउवाको छ। ‘अहिलेसम्म प्रधानमन्त्रीले पार्टीमा मन्त्रिपरिषद् विस्तारमा कुन–कुन नेतालाई समेट्ने भन्नेबारेमा छलफल गर्नुभएको छैन,’ कांग्रेस नेता डा. रामशरण महतले भने। देउवाले मन्त्रालय टुंग्याएपछि पार्टी छलफल गर्ने बताएको डा. महतले जानकारी दिए।

माओवादीले टुंग्यायो मन्त्रीको नामावली

माओवादीले पार्टीका तर्फबाट मन्त्री हुनेको नामावली टुंग्याएको छ। कृष्णबहादुर महरा, वर्षमान पुन र जनार्दन शर्मा रहेको कार्यदलले मन्त्रीहरूको नामावली टुंग्याएर पार्टी अध्यक्ष प्रचण्डलाई बुझाएको छ। कार्यदलले सिफारिस नामलाई अन्तिम टुंगो लगाउने जिम्मा अध्यक्ष प्रचण्डलाई दिएको थियो। माओवादीले प्रदेश नं. १ बाट मोरङ–४ का निर्वाचित सांसद शिवकुमार मण्डललाई मन्त्री बनाई आपूर्ति मन्त्रालयको जिम्मेवारी दिन सिफारिस गरेको छ। प्रदेश नं. २ बाट प्रभु साहले सहरी विकास मन्त्रालयको जिम्मेवारी पाइसकेका छन्। सोही प्रदेशका गिरिराजमणि पोखरेललाई स्वास्थ्यमन्त्री बनाउन कार्यदलले सिफारिस गरेको छ।

माओवादीले प्रदेश नं. ३ बाट रामेछाप–२ का सांसद श्यामकुमार श्रेष्ठलाई सामान्य प्रशासनमन्त्रीका लागि कार्यदलले सिफारिस गरेको छ। प्रदेश नं. ४ का हितराज पाण्डेलाई दोहोर्‍याउने कि तनहुँकी आशा खनाललाई मन्त्री बनाउने टुंगो नलागेको माओवादी स्रोतले बताएको छ। प्रदेश नं. ५ का कृष्णबहादुर महराले उपप्रधानमन्त्रीसहित परराष्ट्र मन्त्रालय र प्रदेश ६ का जनार्दन शर्मा गृहमन्त्रीको जिम्मेवारी सम्हालिसकेका छन्। माओवादी कार्यदलले प्रदेश नं. ६ बाट कालिकोटका सांसद महेन्द्रबहादुर शाहीलाई ऊर्जामन्त्रीका लागि सिफारिस गरेको छ। यो खबर हामीले आजको नयाँ पत्रिकाबाट लिएका हौ।

प्रतिकृया दिनुहोस

पछिल्ला समाचार

Happy Cheese Balls

लोकप्रिय

  • के छ ‘नथिया’ मा ? यसो भन्छिन  सरस्वती प्रतिक्षा
    लुम्बिनी टाइम्स / आईतवार, ४ चैत ।

    वादी समुदायको कथामा लेखिएको उपन्यास हो ‘नथिया’ । कवितामा दरिलो छाप छोडन् सफल साहित्यकार सरस्वती प्रतिक्षाले यो उपन्यास लेखेकि हुन् । २०३५ साल देखी २०४७ साल सम्मको वादी समुदायको कथा उपन्यसमा समेटिएको प्रतिक्षाले बताईन । यो उपन्यासको लागि उनि दाङ, कैलाली लगाएतका जिल्लाहरुमा रहेका वादी समुदायमा पुगेर अनुसन्धान गरेकि थिईन । गत माघ महिनमा सार्वजनिक भएकोे ‘नथिया’ ले राम्रै बजार पाएको छ भने यो कृतिलाई लिएर चलचित्र निमार्ण गर्ने निर्देशक दिपेन्द्र के खनालले घोषण गरेका छन् । पाठक मञ्चले आयोजना गरेको ‘नथिया’ पुस्तक विमर्श कार्यक्रमको लागि सरस्वति प्रतिक्षा बुटवल आएको बेला गरिएको कुराकानी :

  • पाँच नम्बरमा तीन वटा मेघासिटी : पोखरेल
    लुम्बिनी टाइम्स / २९ पुस ।

    प्रदेशको राजधानी आफ्नो ठाउँमै हुनुपर्ने मागसहित कतिपय स्थानमा आन्दोलन चलेका छन् भने केही नेताहरू पनि त्यसमा सामेल देखिएका छन् । प्रस्तुत छ, यही मौकामा यी र यस्ता विषयलाई केन्द्रमा राखेर एमाले नेता तथा प्रदेश नम्बर पाँचका मुख्यमन्त्रीमा प्रस्तावित शंकर पोखरेलसँग दाङको घोराहीमा भेटेर  सी. पी. खनालले गरेको कुराकानी ।