Main Menu
  |   Sunday, October 21, 2018
रुपन्देहीमा नयाँ शक्तिको चुनावी अभियान तीव्र
रुपन्देहीमा नयाँ शक्तिको चुनावी अभियान तीव्र

बुटवल – नयाँ शक्ति पार्टीले रुपन्देही क्षेत्र नं. २ मा चुनावी प्रचारप्रसारलाई तीव्र बनाएको छ । मतदाताकेन्द्रीत चुनावी अभियान संचालन गरेको नयाँ शक्तिले मंगलबार सैनामैना नगरपालिका तथा तिलोत्तमा नगरपालिकाका विभिन्न वडाहरुमा चुनावी कार्यक्रम सम्पन्न गरेको छ ।

चुनावी अभियानकै क्रममा सैनामैना नगरपालिका वडा नं. ४ हडैयामा बाबुराम मल्लाह, रमेश मल्लाहलगायत युवाहरु नयाँ शक्ति पार्टीमा प्रवेश गरेका छन् । त्यस्तै सैनामैना वडा नं. ९ बाट बुद्धिसागर गैरेको नेतृत्वमा युवाहरु नयाँ शक्तिमा प्रवेश गरेका छन् ।

नयाँ शक्तिले सैनामैना नगरपालिकाका विभिन्न क्षेत्रहरुमा मंगलबार पनि घरदैलो कार्यक्रम जारी राखेको छ । कार्यक्रममा नयाँ शक्ति पार्टीका तर्फबाट रुपन्देही क्षेत्र नं. २ का प्रतिनिधिसभा सदस्य उम्मेदवार मनिकर कार्की, प्रदेशसभा सदस्य उम्मेदवार तेज कुमार घिमिरे, ५ नं. प्रदेश सचिव कमल खनाल, जिल्ला सचिवालय सदस्य हरि खड्का, विदेश विभागका सचिवालय सदस्य नर बहादुर सुनार, नयाँ शक्ति विद्यार्थी युनियनका प्रेम अर्याल, ज्ञानु तिवारी, अमित सुवेदी, गोविन्द घिमिरेलगायतका अभियन्ताहरुको सहभागिता रहेको थियो ।

त्यस्तै मंगलबार नै तिलोत्तमा नगरपालिकाको ३ नं. वडा अन्तर्गतका योगिकुटी सेरोफेरो, डिंगरनगर, १० नम्बर, १२ नम्बर, ड्राइभरटोल चोकलगायतको क्षेत्रमा मतदाताकेन्द्रित घरदैलो कार्यक्रम सम्पन्न गरेको छ । घरदैलोमा नयाँ शक्तिका प्रदेश सभा सदस्य उम्मेदवार पंकज राई, निर्वाचन परिचालन समितिका बाबुराम पौडेल, युवा अभियन्ताहरु गणेश सापकोटा, पुरुषोत्तम कंडेल, माया भट्टराई, विदुर केसीलगायतको सहभागिता रहेको थियो ।

घरदैलोका क्रममा नयाँ शक्ति पार्टीका तर्फबाट रुपन्देही क्षेत्र नं. २ का प्रतिनिधिसभा सदस्य उम्मेदवार मनिकर कार्कीले नयाँ शक्ति पार्टीले देशमा आएको राजनीतिक परिवर्तनसँगै आम नागरिकको आर्थिक अवस्था फेर्ने अभियानमा साथ दिन आम मतदातालाई आग्रह गरे ।

त्यस्तै प्रदेशसभा अन्तर्गत क्षेत्र नं. २ का उम्मेदवार तेज कुमार घिमिरेले नयाँ शक्ति पार्टीले मात्र अब देशमा समृद्धि ल्याउने बताए । नयाँ शक्तिले भड्किलो र खर्चिलो चुनावी कार्यक्रमहरु नगरी मतदाताकेन्द्रीत चुनावी अभियान संचालन गर्ने र चोक चोकमा ससानो प्रविधियुक्त चुनावी सभा गर्ने बताएको छ ।

ठूला पार्टीहरुले खर्चिलो र भड्किलो चुनाव प्रचार शैली अवलम्बन गर्दैगर्दा नयाँ शक्तिले मतदाता केन्द्रित घरदैलो अभियान संचालन गरेको नयाँ शक्तिले जनाएको छ ।

प्रतिकृया दिनुहोस

पछिल्ला समाचार

Happy Cheese Balls

लोकप्रिय

  • के छ ‘नथिया’ मा ? यसो भन्छिन  सरस्वती प्रतिक्षा
    लुम्बिनी टाइम्स / आईतवार, ४ चैत ।

    वादी समुदायको कथामा लेखिएको उपन्यास हो ‘नथिया’ । कवितामा दरिलो छाप छोडन् सफल साहित्यकार सरस्वती प्रतिक्षाले यो उपन्यास लेखेकि हुन् । २०३५ साल देखी २०४७ साल सम्मको वादी समुदायको कथा उपन्यसमा समेटिएको प्रतिक्षाले बताईन । यो उपन्यासको लागि उनि दाङ, कैलाली लगाएतका जिल्लाहरुमा रहेका वादी समुदायमा पुगेर अनुसन्धान गरेकि थिईन । गत माघ महिनमा सार्वजनिक भएकोे ‘नथिया’ ले राम्रै बजार पाएको छ भने यो कृतिलाई लिएर चलचित्र निमार्ण गर्ने निर्देशक दिपेन्द्र के खनालले घोषण गरेका छन् । पाठक मञ्चले आयोजना गरेको ‘नथिया’ पुस्तक विमर्श कार्यक्रमको लागि सरस्वति प्रतिक्षा बुटवल आएको बेला गरिएको कुराकानी :

  • पाँच नम्बरमा तीन वटा मेघासिटी : पोखरेल
    लुम्बिनी टाइम्स / २९ पुस ।

    प्रदेशको राजधानी आफ्नो ठाउँमै हुनुपर्ने मागसहित कतिपय स्थानमा आन्दोलन चलेका छन् भने केही नेताहरू पनि त्यसमा सामेल देखिएका छन् । प्रस्तुत छ, यही मौकामा यी र यस्ता विषयलाई केन्द्रमा राखेर एमाले नेता तथा प्रदेश नम्बर पाँचका मुख्यमन्त्रीमा प्रस्तावित शंकर पोखरेलसँग दाङको घोराहीमा भेटेर  सी. पी. खनालले गरेको कुराकानी ।