Main Menu
  |   Sunday, October 21, 2018
एमालेको चकलेटी नारामा विश्वास नगर्न पोखरेलको आग्रह
एमालेको चकलेटी नारामा विश्वास नगर्न पोखरेलको आग्रह

सालझण्डी । रुपन्देही क्षेत्र नं. ५ क का नेपाली कांग्रेसका प्रदेश सभाका उम्मेदवार विष्णु पोखरेलले सुकुम्वासी समस्या समाधानका लागि आफ्नो उम्मेदवारी रहेको वताउनु भएको छ ।
उहाँले एमालेको जस्तो चकलेटी नारामा विश्वास नगर्न मतदातालाई अनुरोध गर्दै नेपाली कांग्रेसले विजय प्राप्त गरे सुकुम्वासी समस्या पहिलो प्राथमिकतामा साथमा समाधान गर्ने बाचा गर्नुभयो ।

विगतमा नेकपा एमालेले सुकुम्वासी समस्या समाधान गरिदिने भन्दै जनतासंग पैसा संकलन गरे बेवकुफ वनाएको आरोप लगाउँदै उहाँले नेपाली कांग्रेसले कुनै चकलेटी नारा नदिएरै सुकुम्वासीको समस्या समाधान गरिदिने उल्लेख गर्नुभयो ।

नेपाली कांग्रेस रुपन्देही क्षेत्र नं. ५ को भैरवघाटमा आयोजना भएको चुनावी सभालाई मंगलवार सम्वोधन गर्दै उम्मेदवार पोखरेलले अहिलेको चुनाव लोकतन्त्र राख्ने कि कम्युनिष्ट तानाशाही ल्याउने भन्ने वीचमा रहेको वताउँदै कम्युनिष्ट शासन आए यो अन्तिम चुनाव हुने दावी गर्नुभयो ।

यो चुनाव जनमत संग्रहजस्तै भएको वताउँदै उम्मेदवार पोखरेलले लोकतन्त्र रक्षाका लागि नेपाली कांग्रेसको रुख चिन्हमा मतदान गर्न आग्रह गर्नुभयो ।

प्रतिनिधि सभाका उम्मेदवार नेता भरत शाहको चर्चा गर्दै उहाँले विगतमा आफ्नो क्षेत्रमा धेरै बजेट लैजाने नेपालकै तीन नेताभित्र भरत शाह पनि रहेको र फेरी पनि यस क्षेत्रको विकासका लागि भरत शाहकै आवश्यकता रहेकोले रुख चिन्हमा मतदान गर्न समेत अनुरोध गर्नुभयो ।

नेपाली कांग्रेस रुद्रपुर संयोजक यमवहादुर क्षेत्रीको अध्यक्षतामा भएको कार्यक्रममा नेपाली कांग्रेसका नेता चन्द्रवहादुर श्रीस, नेपाली कांग्रेस क्षेत्रीय सचिव चन्द्रवहादुर थापा र मोतिवहादुर थापाले बोल्दै भैरवघाटमा वन्दै गरेको पुल कांग्रेसका नेता भरत शाहको पहलमा आएको वताउँदै कञ्चन बाँध समेत शाहकै पहलमा निर्माण भैरहेकोले उहाँ विकास प्रेमी नेता भएको वताए ।

यसैगरी उम्मेदवार पोखरेलले मंगलवार नै सैनामैनाको वार्ड नं. १० स्थित भाटाचौरमा आयोजित चुनावी सभालाई सम्वोधन गर्नुभएको थियो । उता नेपाली कांग्रेस प्रचार प्रसार समितिले गैडहवा गाउँपालिकामा चुनाव प्रचार प्रुसार समिति गठन गरेको छ ।

प्रतिकृया दिनुहोस

पछिल्ला समाचार

Happy Cheese Balls

लोकप्रिय

  • के छ ‘नथिया’ मा ? यसो भन्छिन  सरस्वती प्रतिक्षा
    लुम्बिनी टाइम्स / आईतवार, ४ चैत ।

    वादी समुदायको कथामा लेखिएको उपन्यास हो ‘नथिया’ । कवितामा दरिलो छाप छोडन् सफल साहित्यकार सरस्वती प्रतिक्षाले यो उपन्यास लेखेकि हुन् । २०३५ साल देखी २०४७ साल सम्मको वादी समुदायको कथा उपन्यसमा समेटिएको प्रतिक्षाले बताईन । यो उपन्यासको लागि उनि दाङ, कैलाली लगाएतका जिल्लाहरुमा रहेका वादी समुदायमा पुगेर अनुसन्धान गरेकि थिईन । गत माघ महिनमा सार्वजनिक भएकोे ‘नथिया’ ले राम्रै बजार पाएको छ भने यो कृतिलाई लिएर चलचित्र निमार्ण गर्ने निर्देशक दिपेन्द्र के खनालले घोषण गरेका छन् । पाठक मञ्चले आयोजना गरेको ‘नथिया’ पुस्तक विमर्श कार्यक्रमको लागि सरस्वति प्रतिक्षा बुटवल आएको बेला गरिएको कुराकानी :

  • पाँच नम्बरमा तीन वटा मेघासिटी : पोखरेल
    लुम्बिनी टाइम्स / २९ पुस ।

    प्रदेशको राजधानी आफ्नो ठाउँमै हुनुपर्ने मागसहित कतिपय स्थानमा आन्दोलन चलेका छन् भने केही नेताहरू पनि त्यसमा सामेल देखिएका छन् । प्रस्तुत छ, यही मौकामा यी र यस्ता विषयलाई केन्द्रमा राखेर एमाले नेता तथा प्रदेश नम्बर पाँचका मुख्यमन्त्रीमा प्रस्तावित शंकर पोखरेलसँग दाङको घोराहीमा भेटेर  सी. पी. खनालले गरेको कुराकानी ।