Main Menu
  |   Sunday, May 27, 2018
रामग्राम स्तूपमा बौद्धभिक्षु सम्मेलन हुने
रामग्राम स्तूपमा बौद्धभिक्षु सम्मेलन हुने

भिक्षुहरु प्रार्थना गर्दै

नवलपरासी । शान्तिका दूत गौतम बुद्धको अस्तुधातु रहेको स्थल रामग्राममा आगामी चैत पूर्णिमामा बौद्धभिक्षु सम्मेलन गरिने भएको छ ।

गौतम बुद्धको अस्तुधातु बनाइएका प्राचीन बौद्धस्थलमा रहेका भिक्षुलाई रामग्राम स्तूपमा जम्मा गरी सम्मेलन गर्ने तयारीमा स्थानीयवासी जुटेका हुन् ।

शाक्यमुनि बुद्धको महापरिनिर्वाणपछि उनका अस्तु तत्कालीन शाक्य, कोलिय, बैशाली, मगध, बलिया, उज्जैनलगायत विभिन्न गणराज्यका राजाले लगेर आआफ्ना राज्यमा स्तूपको निर्माण गराएका थिए । रामग्राम स्तूपबाहेक अन्य स्थानको स्तूप तत्कालीन मगधका मौर्यसम्राट् अशोकले उत्खनन गराई संसारभरि बुद्धको स्तूप बनाउन लगाएका थिए ।

कोलिय राजाले निर्माण गराएका रामग्राम स्तूप उनले उत्खनन गराउन खोज्दा नाग जातिले खन्न नदिएपछि अहिले यो स्तूप सिङ्गो रुपमा रहेको छ । सो स्तुपको महत्व प्रचारप्रसार गर्न र महत्व बौद्धमार्गीमा जानकारी गराउन बौद्धभिक्षु सम्मेलन गर्न लागिएको स्थानीय ग्रामीण पर्यटन विकास समितिका अध्यक्ष शम्भु उपाध्यायले बताए ।

अस्तुधातु राखेर निर्माण गरिएका स्तूपस्थल र अन्य बुद्धसँग सम्बन्धित बोधगया, कुशीनगरलगायत स्थानका भिक्षुको सहभागिता गराइने लक्ष्य राखिएको छ ।

“सम्मेलनको तयारीमा स्थानीयवासी लागेका छन”, उनले भने–“विश्व बौद्ध सङ्घसँग समन्वय गरी सम्मेलनको तयारी गरिने छ ।” सम्भवतः भारत र नेपाल मात्र नभई विश्वका अन्य देशका बौद्ध भिक्षुको सहभागिता पनि रहने उनको भनाइ छ ।

लुम्बिनी विकास कोष अन्तर्गत रामग्राम स्तूप भए पनि यस क्षेत्रप्रति कोषले बेवास्ता गर्दै आएको आरोप लगाउँदै अब रामग्रामको विकासका लागि स्थानीवासी आफँै लाग्ने उपाध्यायले बताए ।

अहिले कोलिय राज्यको राजधानी समेत पत्ता लागिसकेको हुँदा राजधानी र स्तूपको एकीकृत विकासका लागि पनि सम्मेलनबाटै तय गरिने छ ।

“कोषमा राजनीतिमा हाबी हुँदा पुरातात्विक र धार्मिक ऐतिहासिकस्थल ओझेलमा प¥यो”, उनले भने–“कहिलेसम्म कोषको आसमा स्थानीयवासी बसिरहने ? यसका लागि स्थानीय, नगरस्तरीय र जिल्लास्तरीय भेला आयोजना गरी तयारी गरिनेछ ।”

प्रतिकृया दिनुहोस

पछिल्ला समाचार

Happy Cheese Balls

लोकप्रिय

  • के छ ‘नथिया’ मा ? यसो भन्छिन  सरस्वती प्रतिक्षा
    लुम्बिनी टाइम्स / आईतवार, ४ चैत ।

    वादी समुदायको कथामा लेखिएको उपन्यास हो ‘नथिया’ । कवितामा दरिलो छाप छोडन् सफल साहित्यकार सरस्वती प्रतिक्षाले यो उपन्यास लेखेकि हुन् । २०३५ साल देखी २०४७ साल सम्मको वादी समुदायको कथा उपन्यसमा समेटिएको प्रतिक्षाले बताईन । यो उपन्यासको लागि उनि दाङ, कैलाली लगाएतका जिल्लाहरुमा रहेका वादी समुदायमा पुगेर अनुसन्धान गरेकि थिईन । गत माघ महिनमा सार्वजनिक भएकोे ‘नथिया’ ले राम्रै बजार पाएको छ भने यो कृतिलाई लिएर चलचित्र निमार्ण गर्ने निर्देशक दिपेन्द्र के खनालले घोषण गरेका छन् । पाठक मञ्चले आयोजना गरेको ‘नथिया’ पुस्तक विमर्श कार्यक्रमको लागि सरस्वति प्रतिक्षा बुटवल आएको बेला गरिएको कुराकानी :

  • पाँच नम्बरमा तीन वटा मेघासिटी : पोखरेल
    लुम्बिनी टाइम्स / २९ पुस ।

    प्रदेशको राजधानी आफ्नो ठाउँमै हुनुपर्ने मागसहित कतिपय स्थानमा आन्दोलन चलेका छन् भने केही नेताहरू पनि त्यसमा सामेल देखिएका छन् । प्रस्तुत छ, यही मौकामा यी र यस्ता विषयलाई केन्द्रमा राखेर एमाले नेता तथा प्रदेश नम्बर पाँचका मुख्यमन्त्रीमा प्रस्तावित शंकर पोखरेलसँग दाङको घोराहीमा भेटेर  सी. पी. खनालले गरेको कुराकानी ।