Main Menu
  |   Friday, December 15, 2017
एक घण्टामा ४५० मत गणना गर्ने आयोगको तयारी
एक घण्टामा ४५० मत गणना गर्ने आयोगको तयारी

काठमाडौं । निर्वाचन आयोगले ४ दिनभित्रै प्रत्यक्षतर्फको सबै मतगणना सकिसक्नेगरी तयारी गरिएको जानकारी दिएको छ । मतगणना गर्ने टोली थप गरेर भए पनि चार दिनभित्रै सक्ने निर्वाचन आयोगको तयारी रहेको छ ।

“मतदाता संख्या थोरै रहेका निर्वाचन क्षेत्रमा मतगणना प्रारम्भ भएको २४ घण्टाभित्रै पहिलो हुने निर्वाचित हुने निर्वाचन प्रणालीतर्फको प्रतिनिधि सभा र प्रदेश सभा सदस्यको निर्वाचन परिणाम आउने भएकाले अन्य क्षेत्रको मतपरिणाम आउन धेरै ढिला हुँदा आम मतदाता, सञ्चारकर्मी र राष्ट्रिय, अन्तर्राष्ट्रिय पर्यवेक्षकको चासो समेत रहने भएकाले मतदाता संख्या अनुसार थप मतगणना टोली परिचालन गरी चार दिनभित्र प्रत्यक्ष र आठ दिनभित्र समानुपातिकको मतगणना सक्ने गरी व्यवस्थापन गरिएको छ,” आयुक्त ईश्वरीप्रसाद पौड्यालले भने ।

निर्वाचन आयोगले २४ सै घण्टा मतगणना गर्ने गरी ३ सिफ्टमा कर्मचारी तयारी अवस्थामा राखेको छ ।

“८ घण्टाको एक सिफ्ट गरिएको छ,” उनले भने, “एक सिफ्टमा कम्तिमा पनि ३५ सय मत गणना हुने अनुमान गरेका छौं । किनकी अहिले मतपत्र छरितो छ । धेरै समय लाग्दैन ।”

दोस्रो चरणको निर्वाचनमा ४५ जिल्लामा प्रतिनिधि सभा र प्रदेश सभा सदस्यको निर्वाचन हुँदैछ । ४५ जिल्लाका १२७ प्रतिनिधि सभा र २५६ प्रदेश सभा सदस्यका लागि मतदान हुन लागेको हो ।

मतगणना स्थलको सुरक्षा व्यवस्था बलियो बनाइएको बताउँदै उनले भने–मतगणनास्थलमा उपस्थित पत्रकार उमेदवार/निर्वाचन प्रतिनिधि/मतगणना प्रतिनिधिले मतगणनाको क्रममा कुनै पनि हालतमा मतपत्र छुन नपाउने /नसक्ने गरी छेकवार राख्ने र उपरोक्त व्यक्तिले मतपत्र छुन नपाउने गरी उच्च सुरक्षा प्रवन्ध मिलाइनेछ ।”
सम्भव हुने स्थानमा सीसीटीभी पनि राख्ने उनले बताए । ४५ जिल्लामा दोस्रो चरण अन्तर्गत बिहीबार मतदान हुँदैछ ।

प्रतिकृया दिनुहोस

पछिल्ला समाचार

Happy Cheese Balls

लोकप्रिय

  • नागरिकको मुहारमा मुस्कान भर्ने नै मेरो प्रमुख लक्ष्य : कार्की
    लुम्बिनी टाइम्स संवाददाता / सोमबार, १८ मंसिर ।

    पहिलो कुरा नयाँ शक्ति पार्टीले बदलिएको राजनीतिक परिवेशमा राजनीतिक गन्तव्य बदलिएको निश्कर्षसहित आर्थिक विकास, समृद्धि र प्रगतिलाई नै मुख्य राजनीतिक एजेण्डा बनाएर वैकल्पिक राजनीतिको सुरुवात गरेको छ । र, म यहि एजेण्डा लिएर आम नागरिकको घरदैलोमा पुगेको छु ।

  • प्रदेशको राजधानी बुटवल नै हुन्छ : पौडेल
    लुम्बिनी टाइम्स संवाददाता / सोमबार, १८ मंसिर ।

    विकासका थप नयाँ आयामहरु गर्न बाँकी छ । बुटवललाई अब महानगर बनाउने योजना छ । मैलै सदनमा बजेट प्रस्तुत गर्दा बुटवलदेखि सुनौलीसम्मलाई समेटेर महानगर बनाउने प्रस्ताव प्रस्तुत गरेको थिए । सरकार परिवर्तन र केहि दलहरुको संकिर्ण मानसिकताका कारण महानगर बन्न सकेन । बुटवल, तिलोत्तमा, सिद्धार्थनगर, सैनमैना, देवदह, ओमसतिया, रोहीणी, शुद्धोधन र सियारी गाउँपालिकालाई समेटेर महानगर विकास परिषद बनाउनेछौं ।