Main Menu
  |   Wednesday, November 14, 2018
खै मेरो प्रजातन्त्र ?
खै मेरो प्रजातन्त्र ?

अर्जुुन ज्ञवाली

एउटा निशब्द
कहालीलाग्दो
कालारात्रीको जन्जिर भित्र
रुमल्लिएका कैयन जिन्दगीहरु
रैतीको नाममा
बन्दी बनाइएका कैदीहरु
फाटेको जिन्दगीलाई
टाल्ने अभिप्रायले
छताछुल्ल बनेका सपनाहरू
एउटा
नयाँ युगको पार्दुभावको लागि
कफनको टुक्रा टाउकोमा बाधेर
निरंकुशताको फलामे साङ्लो चुडाल्न
एकमुठी देशको माटो शिरमा लगाएर
नयाँ बिहानीको परिकल्पना सहित
सुख, शान्ति र समृद्धिको लागि
मानवअधिकार, स्वतन्त्रता र प्रजातन्त्रको लागि
युद्धघोष गरेर
बिजेता बनेको दिन
रैतीबाट प्रजा भएको दिन
औंसीबाट छुटकारा पाएको दिन
तर पनि
अझै पनि
बाजेको पालाको पिरोलो बोकेर
आज पनि नाति हिड्दैछ
खाली खुट्टा सडकमा भौतारिदैछ
निस्सासिदो अभावको जातोले पिस्सिदैछ
समय साल फरक छ
मान्छे फरक छ
ब्यवस्था पनि फरक छ
तर
समस्या उस्तै छ
पीडा उस्तै छ
आज राणा छैन
आज राजा पनि छैन
तर पीडा उहीँ छ
परिस्थिति उस्तै छ
त्यो डाडोमा आज पनि घाम लागेको छैन
आज पनि त्यो झुपडीमा कुनै नया स्वाद छैन
आज पनि त्यो माथिल्लो घरे दाइको
कपडा पुरानो र थोत्रो छ
आखिर कसलाई आयो परिवर्तन
कसलाई आयो शासन शत्ता
कसलाई आयो अकुत भत्ता
को खेलिरहेछ छक्कापन्जा
कसप्रती गर्ने हो आमजनले शंका
खै जनताको शासन
खै जनतालाइ रासन
खै जनतालाइ आसन
आज ढुङ्गा पकाउने बहानामा
जनतालाइ लुटेर खिचडी खादैछन
जनता कै नाममा जनता ठग्दैछ्न
के यहि हो
गणतन्त्र
के यहि हो
लोकतन्त्र
के यहि हो
प्रजातन्त्र
ए साथी
खै मेरो प्रजातन्त्र ?

प्रतिकृया दिनुहोस

पछिल्ला समाचार

Happy Cheese Balls

लोकप्रिय

  • के छ ‘नथिया’ मा ? यसो भन्छिन  सरस्वती प्रतिक्षा
    लुम्बिनी टाइम्स / आईतवार, ४ चैत ।

    वादी समुदायको कथामा लेखिएको उपन्यास हो ‘नथिया’ । कवितामा दरिलो छाप छोडन् सफल साहित्यकार सरस्वती प्रतिक्षाले यो उपन्यास लेखेकि हुन् । २०३५ साल देखी २०४७ साल सम्मको वादी समुदायको कथा उपन्यसमा समेटिएको प्रतिक्षाले बताईन । यो उपन्यासको लागि उनि दाङ, कैलाली लगाएतका जिल्लाहरुमा रहेका वादी समुदायमा पुगेर अनुसन्धान गरेकि थिईन । गत माघ महिनमा सार्वजनिक भएकोे ‘नथिया’ ले राम्रै बजार पाएको छ भने यो कृतिलाई लिएर चलचित्र निमार्ण गर्ने निर्देशक दिपेन्द्र के खनालले घोषण गरेका छन् । पाठक मञ्चले आयोजना गरेको ‘नथिया’ पुस्तक विमर्श कार्यक्रमको लागि सरस्वति प्रतिक्षा बुटवल आएको बेला गरिएको कुराकानी :

  • पाँच नम्बरमा तीन वटा मेघासिटी : पोखरेल
    लुम्बिनी टाइम्स / २९ पुस ।

    प्रदेशको राजधानी आफ्नो ठाउँमै हुनुपर्ने मागसहित कतिपय स्थानमा आन्दोलन चलेका छन् भने केही नेताहरू पनि त्यसमा सामेल देखिएका छन् । प्रस्तुत छ, यही मौकामा यी र यस्ता विषयलाई केन्द्रमा राखेर एमाले नेता तथा प्रदेश नम्बर पाँचका मुख्यमन्त्रीमा प्रस्तावित शंकर पोखरेलसँग दाङको घोराहीमा भेटेर  सी. पी. खनालले गरेको कुराकानी ।