Main Menu
  |   Tuesday, January 23, 2018
बेलहीया नाकाबाट निर्यातमा सुधार
बेलहीया नाकाबाट निर्यातमा सुधार

भैरहवा । रूपन्देहीको बेलहिया नाका हँुदै चालु आर्थिक बर्ष २०७४÷७५ को पाँच महिनामा निर्यात बढेको पाइएको छ । भैरहवा भन्सार कार्यालय बेलहियाका अनुसार गत बर्षको सोही अबधिको तुलनामा चालु बर्षको ५ महिनामा निर्यात हुने बस्तुहरू बढेका हुन् ।

यो नाका हुँदै निर्यात हुने बस्तुमा चोकर भुस, पिना, फापर कोदो र अन्य खाद्यान्न, जडिबुटी, रद्धी कागज, काँच र डण्डी ट्युबहरू, सेन्थेटिक यार्न, बोरा झोला तथा अन्य पदार्थको कपडा, रेसाको कपडा, अदुवा, सुठो प्रमुख बस्तु हुन् । फापर कोदो र अन्य खाद्यान्न निर्यातमा केही कमि भए पनि अरू सबै बस्तुहरूको निर्यात बढेको भन्सार कार्यालयका सूचना अधिकृत गोपाल खत्रीले बताए । फापर कोदोको मौसम नभएका कारणले केही मात्रामा कमी देखिए पनि अरू सबै बस्तुहरूको निर्यात विगतको तुलनामा धेरै बढेको छ ।

कार्यालयका अनुसार गत बर्षको श्रावणदेखि मंसिर मसान्तसम्म ८५ करोड १४ लाख ७० हजार रूपैयाँ बराबरको खाद्य तथा अन्य बस्तु भारत निर्यात भएको थियो भने चालु बर्षको सोही अबधिमा निर्यात बढ्न गई १ अर्ब ४० करोड ८९ लाख ९१ हजार रूपैयाँ बराबरका बस्तुहरू निर्यात भएका छन् ।

चालु बर्षमा सबैभन्दा बढी सेन्थेटिक यार्न भारततर्फ निकासी भएको छ । चालु पाँच महिनामा २२ लाख ९० हजार ३ सय ८५ केजी सेन्थेटिक यार्न भारत निर्यात भएको छ । जसको मूल्य ३७ करोड ७२ लाख १६ हजार हुन्छ । गत बर्ष यही अबधिमा १६ लाख ७३ हजार ४ सय ९८ केजी बराबरको निर्यात भएको थियो । जसको मुल्य २४ करोड १५ लाख १ हजार रूपैयाँ हुन्छ ।

त्यसैगरी ३१ करोड ७६ लाख ५१ हजार रूपैयाँ बराबरको १ करोड ७९ लाख ७ सय ८४ केजि बोरा झोला र अन्य पदार्थको झोला भारत निर्यात भएको छ । गत बर्ष यही अबधिमा १ करोड ३७ लाख ४४ हजार ७ सय १४ केजि निर्यात भएको थियो जसको मुल्य २२ करोड ७२ लाख १ हजार रूपैयाँ थियो ।

अन्य रेसाको कपडा चालु बर्षको ५ महिनामा ३ करोड ५२ लाख ६८ हजार ८ सय ४४ किलो निर्यात भएको छ । यसको मुल्य २० करोड ६७ लाख ६८ हजार रूपैयाँ छ । गत बर्ष १९ करोड ८२ लाख ४७ हजार रूपैयाँ बराबरका््े ३ करोड ३ हजार २ सय ९९ केजि निर्यात भएको थियो ।

उता जडिबुटीतर्फ अदुवा र सुठो अत्यधिक निर्यात भएको छ । गत बर्षको ५ महिनामा १ लाख १६ हजार ९ सय १४ केजि बराबरको अदुवा सुठो भारततर्फ निर्यात भएकोमा चालु बर्षको ५ महिनामा ५ सय प्रतिशतले बृद्धी भएको छ । यो बर्ष ७ करोड ३६ लाख १९ हजार रूपैयाँ बराबरको ६ लाख ५ हजार ३ सय १५ केजि अदुवा र सुठो निर्यात भएको हो । गत बर्षको तुलनामा निर्यातमा सबैभन्दा बृद्धी भएको अदुवा र सुठो नै हो ।

अन्य सबै बस्तुको निर्यात बढे पनि फापर कोदो र अन्य खाद्यान्न भने घटेको छ । गत बर्ष यही अबधिमा फापर, कोदो र अन्य खाद्यवस्तु २ लाख २२ हजार किलो निर्यात भएकोमा अहिले घटेर १ लाख ९२ हजार किलो पुगेको छ ।

बस्तुको निर्यात बढ्नु भनेको भारतसंगको ब्यापार घाटा केही परिमाणमा भए पनि कम हुनु रहेको सूचना अधिकृत खत्रीले जनाए । चालु बर्षको ५ महिनाको तथ्यांकले पनि भारततर्फको निर्यात गत बर्षको भन्दा दोब्बर हुने देखिएको छ ।
श्यामशंकर पाण्डेले दैनिकपत्रकाे लागी लेखेकाे समाचार

का थप

प्रतिकृया दिनुहोस

पछिल्ला समाचार

Happy Cheese Balls

लोकप्रिय

  • पाँच नम्बरमा तीन वटा मेघासिटी : पोखरेल
    लुम्बिनी टाइम्स / २९ पुस ।

    प्रदेशको राजधानी आफ्नो ठाउँमै हुनुपर्ने मागसहित कतिपय स्थानमा आन्दोलन चलेका छन् भने केही नेताहरू पनि त्यसमा सामेल देखिएका छन् । प्रस्तुत छ, यही मौकामा यी र यस्ता विषयलाई केन्द्रमा राखेर एमाले नेता तथा प्रदेश नम्बर पाँचका मुख्यमन्त्रीमा प्रस्तावित शंकर पोखरेलसँग दाङको घोराहीमा भेटेर  सी. पी. खनालले गरेको कुराकानी ।

  • जेसिज एउटा अभियान हो : पौडेल
    लुम्बिनी टाइम्स संवाददाता / शनिबार, ८ पुस ।

    जेसिज आफैमा एउटा नेत्तृत्वविकास गर्न सिकाउने पाठशाला हो । यहाँबाट कसले कति फाइदा लिन सक्ने भन्ने आफैमा भर पर्छ । जेसिज भनेको एउटा समुन्द्र हो यसमा डुबेर कसैले मोति लिएर फर्कन्छ कसैले संखेकिरा यो आफनो इच्छा शक्तिमा भर पर्छ । कुसल नेत्तृत्वले आफनो क्षमता देखाएर समाज नेत्तृत्व गर्नसक्ने अवसरलाई लिन सक्नु नै मुख्य चुनौति हुनेछ ।