Main Menu
  |   Wednesday, November 14, 2018
गर्भवतीको मृत्युले अस्पतालमा तनाव
गर्भवतीको मृत्युले अस्पतालमा तनाव

बुटवल । सुत्केरी हुन बुटवलको लुम्बिनी अञ्चल अस्पतालमा आएकी महिलाको मृत्यु भएपछि सोमबार दिनभर तनाव भएको छ । अस्पतालमा कार्यरत नर्सहरूले गलत औषधि बिरामीलाई स्लाइनमार्फत दिएर गर्भवतीको मृत्यु भएको भन्दै आफन्तले अस्पतालमा तालाबन्दी र नाराबाजी गरेका हुन् ।

पाल्पा झडेवाकी ३२ वर्षिया भगवती अधिकारीको आइतबार ११ बजे मृत्यु भएको थियो । बुटवलको अमरपथमा बस्दै आएकी उनी साथीसँग रिक्सा चढेर अस्पताल पुगेकी थिइन् । अञ्चल अस्पतालमै नियमित चेकजाँच गरिरहेकी उनको स्वास्थ्य अवस्था ठीक रहेको चिकित्सकले बताएका थिए ।

आइतबार सुत्केरीको बेथा लागेजस्तो भएपछि उनी अस्पताल पुगेकी थिइन् । अस्पताल पुग्नासाथ स्लाइन चढाइएपछि उनी अचेत बनेको उनका दाजु मोति खनालले बताए ।

भगवतीलाई सुत्केरी हुनका लागि डाक्टरले माघ २५ गतेको मिति दिएका थिए । गर्भवतीको मृत्यु भएपछि चिकित्सकहरूले फरकफरक कारण बताएपछि आफन्तहरू आन्दोलित भएका हुन् । घटनालगत्तै चिकित्सकले हृदयघातका कारण मृत्यु भएको बताएका थिए । पछि भने बच्चा रहने पानीको फोका फुटेर फोक्सोमा जाँदा मृत्यु भएको चिकित्सकको दावी छ ।
भगवतीका श्रीमान् पशुपति अधिकारीले चिकित्सकले गलत औषधि चढाएकै कारण श्रीमतीको मृत्यु भएको बताए ।

अञ्चल अस्पतालले आइतबार राति मात्रै उनलाई दिइएको औषधिको बिल देखाएका थिए । सो बिल साटिएको आफन्तले बताएका छन् । मृतक भगवतीका ७ वर्षिया एक छोरा छन् । सिलाई व्यवसाय गर्दै आएकी उनका श्रीमान् बजार व्यवस्थापनको काम गर्छन् ।

लुम्बिनी अञ्चल अस्पतालका मेडिकल सुपरिटेन्डेन डा. कृष्ण खनालले घटनाको छानबिन गरिने बताए । घटनाको समिति बनाएर छानबिन हुने र अस्पतालको लापर्बाही भए क्षतिपूर्ति दिने उनले बताए । पोष्टमार्टम बिना के औषधि प्रयोग भएको भन्ने जानकारी नहुने उनले बताए ।
लुम्बिनी अञ्चल अस्पतालमा दैनिक २५ महिलाले प्रसुती सेवा लिँदै आएका छन् । अघिल्लो साता मात्रै अस्पतालकै लापर्बाहीले एक तीन दिने शिशुको मृत्यु भएको भन्दै आन्दोलन भएको थियो ।

प्रतिकृया दिनुहोस

पछिल्ला समाचार

Happy Cheese Balls

लोकप्रिय

  • के छ ‘नथिया’ मा ? यसो भन्छिन  सरस्वती प्रतिक्षा
    लुम्बिनी टाइम्स / आईतवार, ४ चैत ।

    वादी समुदायको कथामा लेखिएको उपन्यास हो ‘नथिया’ । कवितामा दरिलो छाप छोडन् सफल साहित्यकार सरस्वती प्रतिक्षाले यो उपन्यास लेखेकि हुन् । २०३५ साल देखी २०४७ साल सम्मको वादी समुदायको कथा उपन्यसमा समेटिएको प्रतिक्षाले बताईन । यो उपन्यासको लागि उनि दाङ, कैलाली लगाएतका जिल्लाहरुमा रहेका वादी समुदायमा पुगेर अनुसन्धान गरेकि थिईन । गत माघ महिनमा सार्वजनिक भएकोे ‘नथिया’ ले राम्रै बजार पाएको छ भने यो कृतिलाई लिएर चलचित्र निमार्ण गर्ने निर्देशक दिपेन्द्र के खनालले घोषण गरेका छन् । पाठक मञ्चले आयोजना गरेको ‘नथिया’ पुस्तक विमर्श कार्यक्रमको लागि सरस्वति प्रतिक्षा बुटवल आएको बेला गरिएको कुराकानी :

  • पाँच नम्बरमा तीन वटा मेघासिटी : पोखरेल
    लुम्बिनी टाइम्स / २९ पुस ।

    प्रदेशको राजधानी आफ्नो ठाउँमै हुनुपर्ने मागसहित कतिपय स्थानमा आन्दोलन चलेका छन् भने केही नेताहरू पनि त्यसमा सामेल देखिएका छन् । प्रस्तुत छ, यही मौकामा यी र यस्ता विषयलाई केन्द्रमा राखेर एमाले नेता तथा प्रदेश नम्बर पाँचका मुख्यमन्त्रीमा प्रस्तावित शंकर पोखरेलसँग दाङको घोराहीमा भेटेर  सी. पी. खनालले गरेको कुराकानी ।