Main Menu
  |   Friday, October 20, 2017
चौडा हुँदैछन् लुम्विनी जोड्ने पुल
चौडा हुँदैछन् लुम्विनी जोड्ने  पुल

लुम्विनी । भैरहवा हुंदै लुम्विनी पुग्ने अधिकांश पर्यटकको एउटै गुनासो रहन्छ – ‘सांघुरो सडक, झन् सांघुरो पुल’ । यही गुनासोको सुनुवाई गर्दै सरकारले यहांका ५ वटा पक्की पुल चौडा गर्न शुरु गरेको छ । लुम्विनी जस्तो अन्तरराष्ट्रिय पर्यटकीय स्थलसम्म पुग्ने सडक र पुलहरुको दूरावस्थाले पर्यटकहरु दिक्क भएपछि ५ वटा पक्की पुल एकैचोटी चौडा गर्न शुरु गरिएको सडक डिभिजन कार्यालय बुटवलका इन्जिनियर कृष्ण पन्थीले बताए ।

गौतमबुद्ध विमानस्थलदेखि लुम्विनी सम्म २२ किलोमिटर सडकखण्डमा पर्ने पुलहरु अत्यन्तै सांघुरा भएका कारण ट्राफिक जाम हुंदा पर्यटकहरुले सास्ती खेप्नु परेको छ । सिमेन्ट उद्योगहरुको सामान वोक्ने ठूला ट्रक,लुम्विनी र तौलिहवासम्म पुग्ने यात्रुवाहक वस र अन्य सवारीले यो सडकखण्डका सांघुरा पुलहरुमा कहिलेकांही घण्टौं जाम हुंदा लुम्विनी घुम्न आउने पर्यटकहरुले शास्ती खेप्दै आएका थिए ।
तर अब आगामी २ वर्षभित्रै सवै पुलहरु चौडा गर्ने लक्ष्य राखिएको छ । सडकखण्ड अन्तर्गत पर्ने तिनाउ,घाघरा,दानो,कैलीहवा र तेलार नदीमा रहेका पांचवटा पुलहरु निकै सांघुरा छन् । जम्मा ४ मिटर मात्रै चौडाई रहेका यी पुलहरुमा एक पटकमा एउटा मात्र गाडी वारपार गर्न सक्छ ।
हुलाकी सडक आयोजना अन्तर्गत सडक डिभिजन कार्यालय बुटवलले हाल रहेका पुलहरुलाई विस्तार गरी चौडा गर्न थालेको हो । यसो गर्दा सवै पुलहरु करीव ८ मिटर चौडाइका हुनेछन् । हाल रहेको पुलका बारहरुलाई जस्ताको त्यस्तै राखेर छेउंमा त्यही साइजको अर्को पुल बनाइने छ । यसो गर्दा सवै पुलहरुका वीचमा डिभाइडर समेत रहनेछन् । पुल विस्तार भएपछि यातायात आवागमन सहज हुने अपेक्षा गरिएको छ ।

चौडा गर्न थालिएका पुल मध्ये तिनाउ र दानोको ९०–९० मिटर,घाघराको ४५ मिटर, तथा कैलीहवा र तेलार नदीको २७–२७ मिटर लम्वाई रहनेछ । पांच वटा पुल चौडा गर्न २० करोड ५ लाख ५५ हजार रुपैंया वजेट लाग्ने अनुमान छ ।
सवै पुलहरुको ठेक्का भएर धमाधम काम भइरहेको सडक डिभिजन कार्यालय बुटवलका अर्का इन्जिनियर जयलाल मरासिनीले बताए ।

सडक डिभिजन कार्यालयले २ वर्षअघि यो सडकलाई समेत केही चौडा गरेको छ । कार्यालयले सडकको छेउंछाउंमा अतिक्रमण गरि वनाइएका संचरना समेत यसैवर्ष हटाउने तयारी गरेको छ । सडकको वीच भागबाट दायांवायां १५–१५ मिटर क्षेत्रमा पर्ने सवै संचरनाहरु हटाएर सडक थप चौडा गर्ने प्रकृया शुरु गरिने इन्जिनियर कृष्ण पन्थीले जानकारी दिए ।

सन् २०१७ भित्र गौतमबुद्ध अन्तरराष्ट्रिय विमानस्थल निर्माण सम्पन्न भएपछि पर्यटकहरुको चाप बढ्ने अपेक्षा गर्दै सरकारले लुम्विनी क्षेत्रमा सडक,खानेपानी,विद्युत,ठूला होटल तथा पर्यटन उद्यँेगहरुको विकासलाई प्राथमिकता दिन थालेको छ ।

सन् २०१८ को जनवरीमा अन्तरराष्ट्रिय उडान शुरु गर्ने लक्ष्य राखेको र त्यससंगै पर्यटकहरुको संख्या ह्वात्तै बढ्ने भएकाले विमानस्थलदेखि लुम्विनीसम्म पुग्ने सडक चौडा गर्नुपर्ने सुझाव विज्ञहरुले दिएका छन् ।

एडिबिको सहयोगमा आगामी वर्षदेखि यो सडकमा विद्युतीय सवारी सञ्चालन गर्ने तयारी समेत थालिएको छ । लुम्विनी पुग्ने सडक भएका कारण यसको विस्तार र स्तरोन्नतीमा आफुहरु सधै चनाखो रहेको सडक डिभिजन कार्यालय बुटवलका प्रमुख दीपक भट्टराइले बताए ।

प्रतिकृया दिनुहोस

पछिल्ला समाचार

Happy Cheese Balls
  • ‘लघुवित्त कम्पनीहरुको स्प्रेडदरमा पुर्नविचार होस’
    लुम्बिनी टाइम्स / बुधबार, १९ असाेज ।

    पुर्वाञ्चल ग्रामिण बिकास बैंक, मध्यमाञ्चल ग्रामिण विकास बैंक, पश्चिमाञ्चल ग्रामिण विकास बैंक, मध्यपश्चिमाञ्चल ग्रामिण विकास बैंक र सुदुर पश्चिामाञ्चल ग्रामिण विकास बैंकहरु एक आपसमा गाभिएर बनेको नेपाल गा्रमिण विकास बैंक लिमिटेडको हालैमात्र प्रमुख कार्यकारी अधिकृतको पदबाट अवकाश लिएका धर्मराज पाण्डे नेपाल लघुवित्त बैकर्स संघको अध्यक्ष पनि हुन् । चालुवर्षको मौद्रिक नीति सार्वजनिक भइसकेपछि खासगरी लघुबित्त […]

  • ७० वर्ष पुगेका मोहन वैद्य भन्छन्– अझै एउटा क्रान्ति गर्न मन छ
    लुम्बिनी टाइम्स / बिहीबार, २३ भदौ ।

    मोहन वैद्य किरण उमेरले ७० को नजिक पुगेका छन् । राणाकाल, पञ्चायत, शाहवंश र गणतन्त्रको अनुभव गरेका उनी अहिले नव जनवादी क्रान्ति आवश्यक छ भन्दै त्यसको तयारीमा लागेका बताउँछन् ।