Main Menu
  |   Sunday, July 22, 2018
बुटवल औद्योगिक क्षेत्र : स्थान पर्याप्त छैन
बुटवल औद्योगिक क्षेत्र : स्थान पर्याप्त छैन

बुटवल । बुटवल औद्योगिक क्षेत्र उद्योग सञ्चालनका लागि साघुँरो बन्दै गएको छ । उद्योगको विस्तार संगै जग्गा प्रयाप्त नहुँदा औद्योगिक क्षेत्र उद्योगीका लागि साघँुरो बन्दै गएको हो ।

जसका कारण बुटवल औद्योगिक क्षेत्रमा जग्गा अभाव हुँदा उद्योगीहरु लगानी गर्न ईच्छुक भएपनि जग्गा पाउन सकेका छैनन ।

लामो समय देखि उद्योगिहरुले जग्गाको माग उद्योगीहरुले राखेपनि बुटवल औद्योगिक क्षेत्रको विस्तार कार्य बन मन्त्रालयले रोकेपछि आवश्यक जग्गा उद्योगीले पाउन नसकेका हुन ।

०३२ सालमा स्थापना भएको बुटवल औद्योगिक क्षेत्रमा प्रयाप्त जग्गा छैन । बुटवल औद्योगिक क्षेत्र व्यवस्थापन कार्यालयमा केही बर्ष अघि सम्म उद्योगका लागि जग्गाको माग राख्दै ५ सय भन्दा बढि निवेदन समेत दिएका थिए ।

उद्योगीहरुको लगानीमा आर्कषण भएपछि लिमिटेडले औद्योगिक क्षेत्रको विस्तारका लागि उत्तर पुर्व ३ सय रोपनी र पश्चिम दक्षिण तर्फ २ सय ४० रोपनी जग्गा माग गरेको थियो ।

तत्कालिन अर्थमन्त्री सुरेन्द्र पाण्डले औद्योगिक क्षेत्र विस्तारका लागि २ करोड रुपैया बजेट विनियोजित भएपनि बन मन्त्रालयले फाईल रोकिदिदा औद्योगिक क्षेत्र विस्तारको काम रोकिएको छ । साधुरो रहेको बुटवल औद्योगिक क्षेत्रमा स्थापित उद्योगीहरुले नै जग्गा थप माग गर्दै आइरहेका छन ।

लिमिटेडले भने बुटवल औद्योगिक क्षेत्रको विस्तार नभएपनि प्रादेशिक स्तरको रुपमा मोतीपुर औद्योगिक क्षेत्रको निर्माणपछि उद्योगिहरु सवैलाई त्यहाँ समेटन सकिने बुटवल औद्योगिक क्षेत्र व्यवस्था कार्यालयका प्रमुख तुल बहादुर रानाले बताए ।

“उद्योगीहरुको माग धेरै छ, जग्गा अभावकै कारण दिन सकिएको छैन ।” उनले भने–“अब मोतिपुरमा औद्योगिक क्षेत्रको निर्माण पछि उद्योगीहरुको माग पुरा हुने छ ।” उद्योगीहरुको माग आफुहरुले लिमिटेडमा राखेपनि बनले फाईल रोकिदिदा औद्योगिक क्षेत्रको विस्तार हुन नसकेको उनले बताए ।

कुल ४ सय ३४ रोपनी रहेको औद्योगिक क्षेत्रमा १ सय ४३ रोपनीमा धोगो कारखाना रहेको छ भने २८ रोपनीमा बधशाला रहेको छ । उद्योगीहरुको थप जग्गा प्राप्तका लागि बारम्बार लिमिटेड संग माग गर्दै आईरहेका छन ।

विद्युतको सहज जडान, उद्योग सञ्चालनका लागि औद्योगिक बातावरण भएकाले पनि औद्योगिक क्षेत्रमा लगानी गर्न उद्योगीहरु ईच्छुक देखिने गरेको बुटवल औद्योगिक क्षेत्र उद्योग संघले बताएको छ ।

बाहिर उद्योग सञ्चालनका लागि जग्गा महगो हुने भएकाले पनि उद्योगीहरु संगठित स्थानमा उद्योग सञ्चालन गर्न ईच्छा राख्ने संघका अध्यक्ष राम बहादुर गुरुङले बताए ।
“उद्योगीहरुको ईच्छा एकदम छ, तर जग्गा छैन, जग्गाकै अभाव छ ।” उनले भने–“पुरानो औद्योगिक क्षेत्र रहेको बुटवल औद्योगिक क्षेत्रमा उद्योगहरुको विकास र विस्तार संगै जग्गा अभाव भएको छ ।”

७१ उद्योग रहेको औद्योगिक क्षेत्रमा चालु अवस्थामा ६३ वटा उद्योग चालु अवस्थामा छ भने ४ उद्योग निर्माणका क्रममा छ भने ४ उद्योग बन्द अवस्थामा रहेका छन । सरकारको १ करोड ७९ लाख र निजी क्षेत्रको २ अर्व ७० करोडमा बुटवल औद्योगिक क्षेत्रको स्थापना भएको हो । बिकास पराजुलिको सहयोगमा

प्रतिकृया दिनुहोस

पछिल्ला समाचार

Happy Cheese Balls

लोकप्रिय

  • के छ ‘नथिया’ मा ? यसो भन्छिन  सरस्वती प्रतिक्षा
    लुम्बिनी टाइम्स / आईतवार, ४ चैत ।

    वादी समुदायको कथामा लेखिएको उपन्यास हो ‘नथिया’ । कवितामा दरिलो छाप छोडन् सफल साहित्यकार सरस्वती प्रतिक्षाले यो उपन्यास लेखेकि हुन् । २०३५ साल देखी २०४७ साल सम्मको वादी समुदायको कथा उपन्यसमा समेटिएको प्रतिक्षाले बताईन । यो उपन्यासको लागि उनि दाङ, कैलाली लगाएतका जिल्लाहरुमा रहेका वादी समुदायमा पुगेर अनुसन्धान गरेकि थिईन । गत माघ महिनमा सार्वजनिक भएकोे ‘नथिया’ ले राम्रै बजार पाएको छ भने यो कृतिलाई लिएर चलचित्र निमार्ण गर्ने निर्देशक दिपेन्द्र के खनालले घोषण गरेका छन् । पाठक मञ्चले आयोजना गरेको ‘नथिया’ पुस्तक विमर्श कार्यक्रमको लागि सरस्वति प्रतिक्षा बुटवल आएको बेला गरिएको कुराकानी :

  • पाँच नम्बरमा तीन वटा मेघासिटी : पोखरेल
    लुम्बिनी टाइम्स / २९ पुस ।

    प्रदेशको राजधानी आफ्नो ठाउँमै हुनुपर्ने मागसहित कतिपय स्थानमा आन्दोलन चलेका छन् भने केही नेताहरू पनि त्यसमा सामेल देखिएका छन् । प्रस्तुत छ, यही मौकामा यी र यस्ता विषयलाई केन्द्रमा राखेर एमाले नेता तथा प्रदेश नम्बर पाँचका मुख्यमन्त्रीमा प्रस्तावित शंकर पोखरेलसँग दाङको घोराहीमा भेटेर  सी. पी. खनालले गरेको कुराकानी ।