Main Menu
  |   Wednesday, November 14, 2018
स्वर्गद्वारीमा डेढ महिनामा ५० हजार पर्यटक
स्वर्गद्वारीमा डेढ महिनामा ५० हजार पर्यटक

प्युठान  । पवित्र धार्मिक तथा पर्यटकीय तीर्थस्थल स्वर्गद्वारी दर्शनका लागि पछिल्लो पटक आगमन वृद्धि भएको छ । पछिल्लो पौषदेखि माघ पन्ध्र सम्म मात्रै ५० हजार पर्यटक तथा धार्मिक तीर्थयात्रीहरूले स्वर्गद्वारी दर्शन तथा अवलोकन गरेका छन् ।

मकर संक्रान्तिले यस पटक पर्यटक तथा तीर्थयात्रीको संख्यामा उल्लेख्य वृद्धि आएको स्वर्गद्वारी आश्रमले जनाएको छ । “मकर संक्रान्तिमा आउने पर्यटक तथा तीर्थालुमा वर्षेनि वृद्धि हँुदै आएको छ” आश्रमका व्यवस्थापक वासुदेव भट्टराईले भने, “पछिल्लो समय भारतीय तीर्थयात्रीको भिड हुने गर्छ ।” ५० हजार पर्यटक तथा तीर्थालुमध्ये मकर संक्रान्तिलाई केन्द्रित गरेर आउने पर्यटक तथा तीर्थालुको संख्या २० हजार बढी छ ।

जसमध्ये भारतीय तीर्थालु उल्लेख्य वढी छन् । मकर संक्रान्तिमा नियमित पूजाआजा भन्दा वेग्लै मेला नलागे पनि पछिल्लो पटक भारतीय पर्यटक तथा तीर्थालुहरू यस समयमा बढी आउने गरेको व्यवस्थापक भट्टराईले जानकारी दिए ।

आश्रमका अनुसार बुद्धजयन्ती, श्रावण र पौष महिनामा भारतीय तीर्थालुहरू तीर्थयात्राका लागि बढी आउने गर्छन् । आन्तरिक पर्यटक भने बाह्रै महिना नियमित आउने भट्टराईले बताए । तीर्थालुहरू बढेसंगै आश्रमको आम्दानीमा समेत वृद्धि भएको आश्रमले जनाएको छ ।

पौष महिनादेखि माघ १५ गतेसम्म मात्रै ७९ लाख भेटी संकलन भएको व्यवस्थापक भट्टराईले जानकारी दिए । “गत आर्थिक वर्षभरिमा कुल १ करोड ७० लाख भेटी संकलन भएको थियो” उनले भने, “अहिलेको दरले हेर्दा भेटि संकलनमा पनि वृद्धि हुने अनुमान छ ।” वार्षिक ५ लाख पर्यटक तथा तीर्थालुहरू आश्रमको दर्शनका लागि आउने अनुमान भए पनि ढाईदेखि तीन लाखसम्म पर्यटक भित्रने गरेको तथ्यांक छ । बैशाखे पूर्णिमा(वुद्धजयन्ती), महाप्रभुको जन्मदिन श्रावण शुल्क एकादशी, कार्तिक शुल्क औंशी र महाप्रभुको देवहशान भएको माघ शुल्क चौथीका दिन विशेष पूजाआजासंगै मेला लाग्ने गर्दछ । यसबेला पनि पर्यटक तथा तीर्थालुको घुँइचो हुन्छ ।

पाँच नम्बर प्रदेशको प्रमुख पर्यटकीय तीर्थस्थल अन्तरगत स्वर्गद्वारी पर्ने गर्छ । आश्रममा दैनिक विशेष पूजाआजा संचालन हुने गर्छ । स्वर्गद्वारीमा दर्शन गरे मनोकाक्षा पूरा हुने जनविश्वाससंगै विभिन्न वातावरणीय सुन्दरताका कारण पनि पर्यटकहरूको लहर लाग्ने गर्छ । वि.सं. १९१६ साल श्रावण शुल्क एकादशीमा वृहस्पतीवार अनुराधा नक्षत्रमा श्री १०८ महाप्रभुको रोल्पाको रुम्टीमा जन्म भएको र पछि उनी प्यूठानको स्वर्गद्वारीमा आएर तपस्या गरी स्वर्गद्वारीमा पूजाआजा संचालनमा ल्याएको किम्वदन्ती छ । आश्रममा १ सय १७ वर्षदेखि महाप्रभुले सुरु गरेको अखण्ड दीप बलिरहेको छ ।

प्रतिकृया दिनुहोस

पछिल्ला समाचार

Happy Cheese Balls

लोकप्रिय

  • के छ ‘नथिया’ मा ? यसो भन्छिन  सरस्वती प्रतिक्षा
    लुम्बिनी टाइम्स / आईतवार, ४ चैत ।

    वादी समुदायको कथामा लेखिएको उपन्यास हो ‘नथिया’ । कवितामा दरिलो छाप छोडन् सफल साहित्यकार सरस्वती प्रतिक्षाले यो उपन्यास लेखेकि हुन् । २०३५ साल देखी २०४७ साल सम्मको वादी समुदायको कथा उपन्यसमा समेटिएको प्रतिक्षाले बताईन । यो उपन्यासको लागि उनि दाङ, कैलाली लगाएतका जिल्लाहरुमा रहेका वादी समुदायमा पुगेर अनुसन्धान गरेकि थिईन । गत माघ महिनमा सार्वजनिक भएकोे ‘नथिया’ ले राम्रै बजार पाएको छ भने यो कृतिलाई लिएर चलचित्र निमार्ण गर्ने निर्देशक दिपेन्द्र के खनालले घोषण गरेका छन् । पाठक मञ्चले आयोजना गरेको ‘नथिया’ पुस्तक विमर्श कार्यक्रमको लागि सरस्वति प्रतिक्षा बुटवल आएको बेला गरिएको कुराकानी :

  • पाँच नम्बरमा तीन वटा मेघासिटी : पोखरेल
    लुम्बिनी टाइम्स / २९ पुस ।

    प्रदेशको राजधानी आफ्नो ठाउँमै हुनुपर्ने मागसहित कतिपय स्थानमा आन्दोलन चलेका छन् भने केही नेताहरू पनि त्यसमा सामेल देखिएका छन् । प्रस्तुत छ, यही मौकामा यी र यस्ता विषयलाई केन्द्रमा राखेर एमाले नेता तथा प्रदेश नम्बर पाँचका मुख्यमन्त्रीमा प्रस्तावित शंकर पोखरेलसँग दाङको घोराहीमा भेटेर  सी. पी. खनालले गरेको कुराकानी ।