बुटवल- कक्षा १२ को नतिजा सार्वजनिक भएकाे छ। राष्ट्रिय परीक्षा बोर्डले नतिजा सार्वजनिक गरेको हो। बोर्डले यस वर्ष ४० प्रतिशत अंकका लागि मात्र परीक्षा लिएको थियो । थप ४० प्रतिशत अंक कक्षा ११ को र २० प्रतिशत अंक कक्षा १२ को आन्तरिक मूल्यांकनबाट जोडेर नतिजा प्रकाशित गरिएको छ ।
कोरोना भाइरस संक्रमणका कारण गत वैशाखमा हुन नसकेको परीक्षा ९ मंसिरबाट सुरु भएको थियो । १२ कक्षाकाे परिक्षामा कुल ४ लाख ३३ हजार २ सय ७१ परिक्षार्थी सहभागी भएका थिए। जस मध्ये १ जनाको रद्द भएको छ । ११ हजार ४ सय ९० जनाको स्थगित भएको छ ।
नतिजा राष्ट्रिय परीक्षा बोर्ड र नेपाल टेलिकमको वेबसाइटमा हेर्न सकिने छ ।
