गत भदौ २३ र २४ गते नेपाल ठुलो उथलपुथलबाट गुज्रियो । २३ गते बानेश्वरमा निहत्था विद्यार्थीहरूमाथि भएको हत्याकाण्डले आक्रोशित भएको सिङ्गो देश २४ गते सडकमा पोखिन पुग्यो । सरकारविरुद्ध आक्रामक नारा लगाइरहेको भिड बिस्तारै नियन्त्रणभन्दा बाहिर पुग्यो । मध्याह्नमा प्रधानमन्त्रीको राजीनामा आए लगत्तै प्रदर्शन मत्थर हुनुको साटो अझ उग्र हुँदै सरकारी तथा निजी भवनमा आक्रमण गर्न थाल्यो ।
