बुटवल । तराईका जिल्लाहरुमा चिसो बढ्दै गएको छ । प्रदेश १, गण्डकी प्रदेश, कर्णाली प्रदेश र सुदूरपश्चिम प्रदेशका पहाडी भू भागमा आंशिक बदली रही तराईका केही भू भागहरुमा हुस्सु र कुहिरो लागेको छ भने बाँकी भू भागमा मौसम सामान्यतया सफा रहेको छ।
मौसम पूर्वानुमान महाशाखाका अनुसार दिउँसो प्रदेश १ र सुदूर पश्चिम प्रदेशका पहाडी भू भागमा आंशिक देखि सामान्य बदली रही बाँकी प्रदेशका पहाडी भू भागमा आंशिक बदलीको अवस्था रहनेछ। प्रदेश १ को हिमाली भू भागका एक दुई स्थानमा हल्का हिमपातको सम्भावना रहेको छ ।
शुक्रबार देशका पहाडी भू भागमा आंशिक देखि सामान्य बदली रही पहाडी भू भागका केही स्थानमा हल्का वर्षाको सम्भावना रहेको छ। देशका हिमाली भागका थोरै स्थानहरुमा हल्का हिमपातको सम्भावना रहेको मौसम पूर्वानुमान महाशाखाले जनाएको छ ।
