काठमाडौं । सरकारको उच्च प्राथमिकतामा परेको भ्रमण बर्ष २०२० नजिकिँदै गर्दा चर्को हवाई भाडालाई लिएर विदेशी पर्यटक नै तर्सिन थालेको बुझिएको छ । विदेशी पर्यटकका लागि नेपालभित्र विभिन्न गन्तब्यहरुको हवाई भाडादर चर्को भएको पर्यटन व्यवसायीले बताएका छन् ।
संस्कृति, पर्यटन, तथा नागरिक उड्डयन मन्त्री योगेश भट्टराईले मन्त्रालय सम्हाल्नासाथ भ्रमण वर्ष कार्यक्रमलाई उच्च प्राथमिकतामा राखेको बताएपनि हवाई भाडा दरका बारेमा उनले व्यवसायीका गुनासा सुन्न नचाहेको पनि व्यवसायीको सिकायत छ । यसमा पर्यटन क्षेत्रमा लामो समयदेखि योगदान गर्दै आएका व्यवसायीभन्दा पनि केही ट्राभल एजेन्सीलाई मन्त्रीले काखी च्यापेको बुझिएको छ ।