बुटवल । कुवेतको जजिरा एयरलाइन्सले आगामी मार्च ९ गतेदेखि भैरहवास्थित गौतम बुद्ध अन्तर्राष्ट्रिय विमानस्थलबाट पुनः उडान सुरु गर्ने भएको छ ।
सात महिना कुवेत–भैरहवा अन्तर्राष्ट्रिय उडान गरेको जजिरा एयरलाइन्सले आगामी मार्च ९ गतेदेखि पुनः उडान सुरु गर्ने भएको हो ।
गत जेठ २ गते विमानस्थल उद्घाटनकै दिनबाट जजिराले भैरहवास्थित गौतम बुद्ध अन्तर्राष्ट्रिय विमानस्थलबाट उडान सुरु गरेको थियो । जजिराले उडान सुरु गर्न अग्रिम टिकट बुकिङसमेत थालिसकेको छ।
जजिराले फागुन २५ गतेदेखि पुनः अन्तर्राष्ट्रिय उडान सुरु गर्न थालेको विमानस्थलका प्रवक्ता सुवास झाले जानकारी दिनुभयो । जजिराले हप्ताको मङ्गलबार, बिहीबार र शनिबार बिहान ८ः५ बजे उड्ने गरी तालिका तय भइसकेको उहाँले जानकारी दिनुभयो ।
