बुटवल । रुपन्देहीमा ३६ जना कोरोना संक्रमित थपिएका छन् । स्वास्थ्य कार्यालय रुपन्देहीले जारी गरेको पछिल्लो तथ्याङ्क अनुसार जिल्लामा पछिल्लो २४ घण्टामा १ सय १७ जनामा पीसीआर परिक्षण गर्दा उक्त संख्यामा कोरोना संक्रमित थपिएका हुन् ।
कार्यालयका अनुसार जिल्लामा एक जना संक्रमितको मृत्यु भएको छ ।
योसँगै जिल्लामा कुल सक्रिय संक्रमितको संख्या ३ सय ६५ पुगेको छ भने हालसम्म ५ सय ३० जनाले कोरोना संक्रमणबाट ज्यान गुमाएका छन्।
पछिल्लोसमय थपिएकामध्ये बुटवलका मात्र १६ जना रहेका छन् । तिलोत्तमाका ६, सैनामैनाका ९, देवदहका १, मायादेवी १, सिद्धार्थ नगर नगरपालिकाका २ र सियारीका १ जना रहेका छन् ।
हालसम्म कुल संक्रमितको संख्या ३० हजार ६ सय २२ जना पुगेको छ ।
1727933135.jpg)
