बुटवल । राष्ट्रसेवक बहुउश्यीय सहकारी संस्थाले स्थापना दिवसको अवसरमा रक्तदान कार्यक्रम सम्पन्न गरेको छ । आइतवार रक्तसञ्चार सेवा केन्द्र बुटवलमा भएको रक्तदान कार्यक्रममा २८ यूनिट रगत संकलन भएको कार्यक्रम संयोजक नरमाया श्रीसले जनाकारी दिनुभयो ।
रक्तदान कार्यक्रमको शुभारम्भ गर्दै नेपाल निजामती कर्मचारी संगठनका केन्द्रिय सचिवालय सदस्य दीपक शर्मा पौडेलले सहकारीले सामाजिक सेवाभावले स्थापना दिवसमा रक्तदान जस्तो महत्वपूर्ण कार्यक्रम गरेको भन्दै अन्य संघ संस्थाहरूले पनि अनुसरण गर्नुपर्ने बताउनुभयो । उहाँले कर्मचारीहरू कार्यक्षेत्रको सेवासँगै अन्य समाजिक क्षेत्रमा समेत सकृय हुने गरेको यस प्रकारका कार्यक्रमले पुष्टी गर्ने बताउनुभयो ।
सहकारीका अध्यक्ष शालिकराम पाण्डेयले कार्यक्रमको उद्देश्यमाथि प्रकाश पर्दै सहकारीले सामाजिक उत्तरदायित्वलाई प्राथमिकतामा राखी काम गर्दै आएको बताउनुभयो । उहाँले यस क्षेत्रमा रगतको अभाव नहोस भनेर स्थापना दिवसको अवसरमा रक्तदाना गरेको समेत बताउनुभयो ।
रक्तदान कार्यक्रम उपसमिति सदस्य थानेश्वर बस्यालको स्वागत तथा संस्थाका सचिव रामप्रसाद शर्माको सञ्चालनमा भएको कार्यक्रममा सहकारीका सदस्यहरू, राष्ट्रसेवक कर्मचारी तथा रक्तदाताहरूको सहभागी रहेको थियो ।
1727933135.jpg)
