काठमाडौँ । सुन तस्करीमा संलग्न रहेको निष्कर्ष निकाल्दै सुन तस्करी छानबिन गर्न गठित समितिले पूर्वसभामुख कृष्णबहादुर महराविरुद्ध मुद्दा चलाउन सिफारिस गरेको छ।
पूर्वन्यायाधीश डिल्लीराज आचार्य संयोजकत्वको समितिले महरालाई सुन तस्करीमा संलग्न रहेको भए पनि सिआइबीको छानबिनले उन्मुक्ति दिएको ठहर गरेको हो।
बिहीबार प्रतिवेदन बुझ्नुभएका गृहमन्त्री रवि लामिछानेले शुक्रबार बिहान प्रधानमन्त्री पुष्पकमल दाहाल ‘प्रचण्ड’लाई हस्तान्तरण गर्नुभएको छ । गत असोज १५ गते गठित आचार्य नेतृत्वको सुन तस्करी सम्बन्धी जाँचबुझ, २०८० गठन गरेको थियो। आचार्यको अध्यक्षतामा गठित आयोगमा सहकुलबहादुर थापा, किशोरजङ्ग कार्की र प्रेमराज जोशी सदस्य रहनुभएको थियो ।
यस्तै छानबिन समितिले सिआइबी प्रमुख किरण बज्राचार्यमाथि पनि मुद्दा चलाउन सिफारिस गरेको स्रोतले जानकारी दियो। छानबिन समितिले सुन तस्करी प्रकरणमा सिआइवीले त्रुटी गरेको निष्कर्ष निकालेको छ। मुद्दा चलाउनु पर्नेलाई नचलाएको छानबिन प्रतिवेदनमा उल्लेख भएको गृह मन्त्रालय स्रोतले जानकारी दियो।
त्यस्तै, समितिले छानबिनमा संलग्न रहेका एसपी सञ्जयसिंह थापा, डीएसपी दुर्गा दाहाल र रुगम कुँवरलाई पनि विभागीय कारवाहीको सिफारिस गरेको छ।